|
|
|
|
Best Poems From
ANONYMOUS OLDE ENGLISH
|
|
| |
|
|
25.
|
Adam Lay Ibounden
Adam lay ibounden,
Bounden in a bond.
Four thousand winter
Thoght he not too long.
And all was for an appil,
And appil that he tok,
As clerkes finden
Wreten in here book.
Ne hadde the appil take ben,
The appil taken ben,
Ne hadde never our lady
A ben hevene quene.
Blessed be the time
That appil take was,
Therefore we moun singen
Deo gracias.
Anonymous Olde English
|
| |
|
|
| |
|
| |
|
|
26.
|
Alison
Bytuene Mershe and Averil
When spray biginneth to springe,
The lutel foul hath hire wyl
On hyre lud to synge:
Ich libbe in love-longinge
For semlokest of alle thynge,
He may me blisse bringe,
Ich am in hire baundoun.
An hendy hap ichabbe y-hent,
Ichot from hevene it is me sent,
From alle wymmen my love is lent
And lyht on Alysoun.
On heu hire her is fayr ynoh,
Hire browe broune, hire eye blake;
With lossum chere he on me loh;
With middel smal and wel y-make;
Bote he me wolle to hire take
For to buen hire owen make,
Long to lyven ichulle forsake
And feye fallen adoun.
An hendy hap ichabbe y-hent,
Ichot from hevene it is me sent,
From alle wymmen my love is lent
And lyht on Alysoun.
Nihtes when I wende and wake,
For-thi myn wonges waxeth won,
Levedi, al for thine sake
Longinge is y-lent me on.
In world nis non so wyter mon
That al hire bounte telle con;
Hire swyre is whittore than the swon,
And feyrest may in toune.
An hendy hap ichabbe y-hent,
Ichot from hevene it is me sent,
From alle wymmen my love is lent
And lyht on Alysoun.
Ich am for wowyng al for-wake,
Wery so water in wore;
lest eny reve me my make
Ichabbe y-yerned yore.
betere is tholien whyle sore
Then mournen evermore.
Geynest under gore,
Herkne to my roun.
An hendy hap ichabbe y-hent,
Ichot from hevene it is me sent,
From alle wymmen my love is lent
And lyht on Alysoun.
Anonymous Olde English
|
| |
|
|
| |
|
| |
|
|
27.
|
An Old Epitaph Found In Bedford
Mary Wryte and her mother
Her father ande brother--
Was Alle of them drowned,
Inn Bvckstones povnde.
6 Febrry : An.Dm. ----
O GODD
IN. MERCYE. THER
SOVLES
PRAYRE. TAKE=TO. HEVENYS,
FOR THYE DEARE SONNE'S
IESUS'S SAKE.
Anonymous Olde English
|
| |
|
|
| |
|
| |
|
|
28.
|
Ancient Boar's Head Carol. In die natiuitat
Nowell, nowell, nowell, nowell,
Tydyng' gode y thyngke to telle
The borys hede that we bryng here,
Betokeneth a p'nce with owte pere,
Ys born this day to bye v' dere,
Nowell, &c.
A bore ys a souerayn beste,
And acceptable in eu'y feste,
So mote thys lorde be to moste & leste,
Nowell, &c.
This borys hede we bryng with song,
In worchyp of hym that thus sprang
Of a virgine to redresse all wrong,
Nowell, &c.
Anonymous Olde English
|
| |
|
|
|
|
|
|